شب عم يطبق بنت عالتلفون

الشب : مرحبا أبو عبدو معي ؟ ( عادي بكون آخد رقم البنت من صاحبه )


البنت : لا النمره غلط


الشب : عفكره صوتك حلو والحمد لله إنو الله خلاني أغلط بالرقم مشان اسمع هالصوت الحلو


البنت: لشو خفة هالدم , قلي مين عطاك رقمي ؟


الشب : والله أنا غلطان بالرقم و خربطت بآخر رقم ( عادي صاحبه الي عطاه رقم البنت بكون قاعد جنبه)


البنت: طيب خلص شو بدك


الشب : لا تعصبي آسف أنا غلطان بحقك وما بقا أرن عليكي مره تانيه

بس عكل حال أنا كتير متضايق و ما عم لاقي عروس

وكل البنات ما بصمدو معي وأول ما أسكر الخط بدي أنتحر

لأني مو لاقي حد يسمعني وكنت بتمنى إنك تسمعيني بس ياخساره يلا باي


البنت : استنى استنى انتى شو اسمك


الشب : اسمي رامي ومهندس بشركة نفط بالخليج وجاي لهون شهر إجازه

( عادي بكون اسمه بكري وعندو بسطة دخان في البلد )


البنت : شو برجك؟؟؟ ( هاد أكتر سؤال بسئلوه البنات)


الشب برجي الجوزاء .


البنت : كيف شكلك ؟؟


الشب : طويل وعيوني خضر وبلعب حديد بس صارلي تارك فتره مشان هيك سمنان شوي بس رح أرجع ألعب

( عادي بكون شبه شعبان عبد الرحيم)


البنت : مش مهم الشكل انا ما بهمني بالشب شكله المهم عقله يكون كبير


الشب : لا ما تخافي من هي الناحيه كل أصحابي بحكو معي مشان احللهم مشاكلهم

ولله الحمد أنا زلمه راكز وقد حالي وكل الحاره بتحسبلي مليون حساب

( عادي بكون هو مشييب أصحابه وسبب مشاكلهم )


البنت : لا مبين عليك قد حالك وطيوب بس ليش ولا بنت بتصمد معك

الشب : كل بنت بحكي معها بتتجوز أو بتخطب

وكل ما أحب بنت بتخوني وبتغدر فيني عشان أنا قلبي طيب ومخلص

( بكون هو حالق لكل البنات وعمرو ما أخلص لحد)


البنت : ياحرااااااام


الشب : ما قلتيلي انتي مرتبطه أو مصاحبه ؟


البنت : لا عمري ما حبيت ولا حكيت مع شباب


الشب : اهاااااا

( وببعد السماعه عن ادنو وبصير يضحك لأنو بكون قاعد معه أصحاب البنت الأربعه الي صاحبتهم من قبل )


الشب : طيب أنا لازم اروح هلأ لأنو سيارتي البي إم صافه بنص الشارع وبرجع أحكي معك

( عادي بكون رصيده خلص ورح يفصل الخط و مافي معو حق وحدات)

وهيك بتستمر هاي المكالمات لبين ما يخلص الشب من البنت

بقلها إنها خلصت إجازته ولازم يرجع يسافر وبعدين بيعطي رقمها لصاحبه الثاني وهكذا تستمر المهزله




( مع احترامي لكل الشباب و البنات - لأنو طبعاً مو كل أصابعكن متل بعضها )