OBADA
عدد المساهمات : 4
تاريخ التسجيل : 27/01/2010
 |  موضوع: (((... الفرق بين الشب والبنت لما يركبو السرفيس...)))  الخميس فبراير 11, 2010 12:04 am | |
| المواقف يللي ممكن تتعرض إلها وانت بالسيرفيس
وانت طالع ممكن يخبط راسك بالباب لأنو ارتفاعو غلط
فاذا كنتي بنت رح تسمعي : الله الله خير صرلك شي ؟؟؟؟ من كل الركاب و نظرات العالم كلها شفقة و وكلون رح يضربو الشوفير لأنو الحق عليه ما اشترا سيرفيس الو كياس هوا مشان الصدمات
واذا كنت شب رح تسمع العالم عم تضحك وتقول العمى ضربو مالو شايف !!!!!!! يلا بيستاهل ..شوف وين كان عم يبصبص
وقت بتسكر الباب بهدوء تبعاً لتعليمات الاعلان يللي موضوع ع الباب وما بيتسكر
اذا كنت بنت … دخيل الله شو هالأنوثة ليك حتى الباب مالها نفس تخبطو
اذا شب …. ليك التشتوش ليك مالو حيل يسكر الباب تفه على هالجيل
وقت بتسكرو بقوة
اذا كنت بنت … يا حرام اكيد معصبة من شي شغلة الله يعينها
اذا شب …. هشششش فهمنا انك قبضاي خلعت الباب
وانت قاعد ممكن يجيك اتصال
اذا كنت بنت ….. واوووو مأحلا صوتها نيالو المحظوظ .. ومعها n97 يا اخي مزوقة
اذا كنت شب …. تضرب انت ويللي داير عليك وطي صوتك صرعتنا والله فهمنا معك موبايل
وقت بيوقفلك الشوفير وما بيكون في معو محلات أصلاً
اذا كنت بنت ما عليك الا انو تتطلعي نظرة وحدة لأي شب من يللي قاعدين بتلاقيه نط وقعد ع السفنجة يللي بعكس الشوفير
اذا شب دبر حالك عالدولاب وازا ما عجبك روح مشي شهههه نحنا بعمركون كنا نروح ع الحسكة مشي
وقت بيكون معك غراض
اذا بنت في مين يطالعلك ياهون وينزلون ويحطون بحضنو اذا بدك والناس شو بتقول بقلبا : يا حرام!! وين اخواتها الشباب يجيبو الغراض
واذا كنت انت اخوها وجبت الغراض شو رح يقولو ؟؟ هوهوووووووو تعا حطون بحضننا !!! كلو مشان ما تاخود تكسي لعما ع البخل
وقت بتطلع غنية بشعة والصوت قوي
اذا بنت الك الحق تقوليلو وطي الصوت ازا بتريد او غير المحطة والعالم رح تقول اي اي غيرا (اكيد في الها ذكرى حزينة بقلبها)
اما اذا شب رح يلتفت عليك الشوفير ويقوي الصوت ورح يقول : ليك هالعالم ليك بدو يشترينا بالخمس ليرات تبعو !!!
وقت بدك تنزل وتقول للشوفير على مهلك وما يسمع بسبب الاغاني يللي حكينا عنها من شوي
اذا كنت شب بيتطلع فيك يللي جنبك وبيقلك بنظرة فوقية : ما سمع صوتك
وبينط التاني بعد ما بتمروق جنب بيتك وانت مستغرب انو السرفيس ما عم يفكر يوقف وبيقلك نازل ؟؟
واذا بنت ما عليكي الا انو تفكري تفكير بالنزلة او تهمسي همس بينك وبين حالك نزلني واسمعي الشباب كلون بصوت واحد :على مهلك على مهلك ….. نزلها …. شو مالك سامع ؟
…. ع اليمين … نزلاااااااااااااااااااااا
عدل سابقا من قبل OBADA في الخميس فبراير 11, 2010 10:50 pm عدل 1 مرات (السبب : تحسين المظهر) | |
|
rida
ابو هيثم
عدد المساهمات : 382
تاريخ التسجيل : 10/01/2010
العمر : 32
| | موضوع: رد: (((... الفرق بين الشب والبنت لما يركبو السرفيس...))) السبت فبراير 13, 2010 10:11 pm | |
| على هالحالة الشباب كلن بيتمنو لو كانو بنات مشان ياخدو مساعدة من الشوفير | |
|
