غزل شامي

بحبك حب الشباك .......للبرداية
بحبك حب الأرنبيط.....للكوساية
بحبك حب الشلمونة.....للكولاية
لك بحبك حب الطشت....للكبجاية
يا ريت تكوني شخبرة....وكون انا المحاية
يا ريت تكوني قلم ......وكون انا البراية
يا ريت ما تحطيلي زء....لما كون انا جاية
بحب ضحكتك يلي متل صوت المعزاية
بحبك حب الدؤونية .....ل لهاية
بحبك حب المألمة .....للشنتاية
يا ريت تكوني عوجا .....وكون انا العرباية
يا ريت تكوني طربيزة ....وكون انا كنباية
يا مدلوئة حياتي...وشعبياتعمري....ووربات بئشطة روحي....يا احلى زبدية محلاية

بحبك حب لريموت .... للتلفزيون
بحبك حب درفة الباب ...للمندلون
بحبك حب بنت اختي الفصعونة...لسبيس تون
بحبك حب رونادينيو للطابة
بحبك إذا كنتي منتحة .....أو حبابة
بحبك حتى لو كان صوتك .....متل موتور الدبابة

سمعيني شوي لحتى احكيلك ....الاصة
يا ريت تكوني حنفية مي عم تشرشر ....وأنا بعصها
نشالله ما يبلا هاطول ....متل عرئ الفصة
لك يا ريت تكون معي هيكة .. كمشة بزر واعطيكي نصا

بحبك حب منير الجبان لكلمة صباح الخير
بحبك حب جهاد سعد ... لبرنامج خبرني ياطير
لك بتسدئي ؟؟؟؟؟
بحبك حب جورج بوش .... لتوني بلير

شه !!!!

بحبك حب الآرمة للعامود
بحبك حب الزلائط للمعؤوود
بحبك حب السعادين للقرود

بحبك إذا كنتي ... ساكتة أو عم تحاكينا
بحبك حب ابن اختي الفصعون لبوظة كارينا...