كيف تأخذ الجنسية الحومصية

كيف تأخذ الجنسية الحومصية

-------------------------------------------------------------


أول شي لازم تعرف أنو الجنسية الحمصية هبة من الله سبحانه



بسم الله الرحمن الرحيم ( و رفعنا بعضهم فوق بعض درجات ) صدق الله العظيم




- لازم تكون مقتنع انو حمص مستقلة و لازم تكون كرماوي لإنو الكرامة إنتماء منفصل .



- أن تكون مستعدا لأن تعيّد يوم الأربعاء ،

يعني تصيّف عالأخير تمشي بعكس السير مثلا ،

تلعب بالطابة بالشارع ،

تلحق بنت وتلطشها ، تسبح عالشاطئ ،

مع انو ما في شاطئ هنيك بحمص ، بس بدك تدبّر راسك ،

يعني : تخرج عن كل الضوابط والأعراف المألوفة ،

فكل ما هو مألوف يجب تغييره يوم الأربعاء فهو العيد الرسمي في حمص.



- لازم تكون من العالم اللي بحبو أكلة المجدرة الكـُشَري يعني . مع البصل طبعاً .

فإذا ما كنت هيك روح دور على غيرهن



- لازم تكون مطيع كتير لزوجتك ، لأنو الحماصنة مرضيين كتير ،

يعني بدك تخفف شوي من رجولتك .. يعني مايكون إلك كلمة بالبيت .



- بدك تكون ظريف كتير مع الموظفين ،

لأنو عندهن الموظفين بحمص حساسين كتير و بيزعلو أوام ،

يعني بدك تراجعهم بذوق كبير وهدوء بدون ما تجرح مشاعرهم ،

ولا تنسى .. المعلوم !! اي اي هه المعلوم لأنو بلاه ما في شي بيمشي .



- لازم يكون عندك فراسة وسرعة بديهة ،

وتعرف الشوفير اللي ماشي قدامك لوين رايح

وكيف بدو يلف أو بدو يضرب فرام ولا لاء !!

لأنو عندهن بحمص ما حدا بيعطي إشارة وكلو بيطحش على كلو !!

وعلى فكرة لازم تذكرو كمان انو يشغلك العداد

لأنو وين مارحت رح ياخد منك 50 ليرة لذلك فذكرو منشان يشغل العداد



- لازم تكون رئتك ملوثة بنسبة 99.999 %

لأنو إذا كنت متعود على الهواء النظيف والعليل ،

ما راح يمشي حالك عندهن , بتمرض بعدين بأمراض مزمنة .

لأنو عندهن كل أنواع التلوث .. والحمد لله ،

إلا إذا حبيت تسكن غرب حمص ، على ضهر القصير مثلا أو بالقرب من مرمريتا ،

فيمكن يمشي حالك وبيجوز تموت هنيك

لأنو الحماصنة بس طلعو من حمص بموتو

و طلع السبب انو عم يشمو برا حمص هوا نظيف .



- لازم تحكي عالعريض كتير* يا أأأخــــــــــــــــــي*



- ولازم تدبح اتنين حموية (الصراع الأزلي بين أهل حمص وأهل حماه)



- ممكن تحصل على مرتبة الشرف إذا قتلت تنين حموية ..



- ولا ننسى الأركيلة .. لازم يكون عندك نفس ماكن يعني شفّيط نمرة ون .



- أكيد بدك تحفظ شعار الحماصنة .. وهو

الحماصنة الصقور الحرة ..

نظرتهم حادة ومرة ..

واللي بيحبهم مرة بيحبوه ألف مرة ومرة ..




وأخيرا وليس آخرا :

إذا وجدت هذه الشروط منطبقة عليك أو بإمكانك الوفاء بها ،

فلحّق حالك ها لأربعاء لأنو كل أربعاء الشروط بتتغير















MAD_FOX