رحلة الى البحر

رحلة الى البحر



رجعنا يوم الخميس من المعهد و كل و واحد راح على بيته يطبق شغلاته و تقاسمنا كل

واحد اش بدو يجيب



أنا جبت البتزا هت للشبيحة



أبو حسين جاب صندويش المرتديلا



أبو هيثم جاب المية فرنجي



أبو جانتي جاب الزيت و زعتر



???? جاب مية زمزم



وأبو عمر و باقي الشباب جابوا حالون و كانوا ثلات تيام مالو اكلين



و لم نستطع النوم و لا دقيقة (ما بعرف ليش!!!)



و في الساعة العاشرة مساء يوم الخميس ذهب الشباب الى عندو لأبو حسين حتى

ينطلقوا من تحت بيته الى ساحة الجامعة 

و هناك شفنا اللي ما شفناه و احترق قلبنا

لأني كان فيه طلاب غيرنا راحين كمان رحلة 

بس اش طلاب يغذي العين حولون و

حوليهن

اي الله كل أوباااااااااي فيون بتقول للقمر قوم انقلع من هون لأنقرد اقعد محلك



و بعد محاولات بآءت بالفشل للذهاب معون و ترك بولماناننا اللي عم يصفر من قلة

البنات اللي فيه

أخذنا حسبنا الله و طلعنا بالباص بعد ما فيقنا الشوفير اللي كان نايم

بالباكاج (مكان الحقائب)

انطلقنا الساعة أربعة و نص و بعد ان تلونا دعاء السفر 
مسكنا

الدربكة و قلنا يا كريم

و قام اسامة رئيس الشؤن الطلابية و مساعده أبو حسين بصفنا

داخل الباص كالتالي:



القسم الاول من الباص خاص كان مكتوب عليه للسرور فقط.



القسم النصاني كان للوخم (يعني النا طلاب السنة الاولى)



اما اخر الباص كان كأني مالو موجود معنا و ما سمعنا صوتون وهن طلاب السنة

التانية المقروحين



و تأملنا جمال الطبيعة الخلابة و شاهدنا الأشجار الخضراء و العصافير اللي كانت

تزقزق 

و صّلنا عاالاساطل الساعة ستة و نص سبعة يعني ما بذكر ايمت


و هنيكة الله

و كيلكون قعدنا عالرصيف لأني صندويشة الجبنة الكردية حقا مية وخمسين ورقة



و طالعنا أكلانتا و شرباتنا على هالرصيف 

و وبعد ما سمينا بالله ماضل معنا شي

ناكلوا

المهم بلا طول سيرة 

بعد ساعة عدنا الى الباص و اكملنا الطريق

و هنا فتحنالا



يعني حطينا الدربكة بإيد أرنوب و كان معنا الكثير من الطلاب أصحاب المواهب

المدفونة

 يعني اشتغل الرقص اللي بحياتكون ما رح تشوفوا منه باستثناء loloلأني

شافت مقطع من بعض الاشخاص الخبيرين يوم الخميس بغرفة المدرسين 

و من بعض

الاغاني المشهورة اللي انبح صوتنا و نحنا عم نغنيون



( البوكيمون ,يا طيبة ,حبك حيرني ,غرنديزر ,كل مرة , تلفوني رن ,بس اسمع مني

و جميع الأغاني الشاوية اللي موجودة بموبايل عماد

و) بعدينه وصلنا عاشاطئ الأزرق

و شلفونا متل ؟؟؟؟؟ نحنا و غراضنا شي ساعتتين 

و هناك شعرنا اننا شي شغلة لأن

كل واحد صار يوقفنا و يقلنا شــــــــــــــــــــــاليـــــــــــــــه 



مع اني ما خرجنا هيك شي 

بس طبعا مو مشان المصاري لأني انعرض علينا شاليه

بخمسوسبعين ليرة و ما اخدناه



المهم ذهب البعض الى الشاطئ واخرون الى المسلياكات و في عالم ضلوا عم يفتلوا

بالشارع متل الجدبان



اللي كانوا بالشاطئ والله أول شي بسّطوا عالرمل و بعدين أخدوا يساوون الاركيلة

و يحضرون المية زمزم



و في هذه الاثناء رمى أبو حسين نفسه بالبحر و أخد يورجينا عضلاته بالسباحة



و حيناها نزل شخص على المي (بدون ذكر أسماء) قام أبو حسين بالوصول لعنده و

قام بخلع مايويه اللي ما كان ليبس تحته شي

 ( ربي كما خلقتني ) و العودة به الى
االشاطئ لوضعه كعلم على طاولتنا



في حين أن ذاك الشخص ضل عم يستنى فرج لربه يعني لحتى راح البطل أبو جانتي

و عطاه مايوه بداله

 و بعدين طلعنا بمسليك البحر و هينك شفنا الموت بيعوننا و

تلاطمت الامواج وراحت تاخدنا شمال و يمين و نحنا عم ندعي الله يرجعنا

و لما رجعنا عالشاطئ اشتغل التقسيم و نينا اني الله هو اللي لطف فينا

ثم رحنا عالمسلياكات و ما سألنا على حدا بالعكس كنا عم نعدي عالعالم اللي ضلت

بالشارع و ماي عرفانه اش تسوي و نوررجيون اشقد نحن مبسوطين




و الله و بعد ساعتين رجعنا اجتمعنا عند الباص

و هناك شفنا بعض البرشورات مرمين بالشارع ايه بحياتنا ما منشوف منون بحلب



و بعد أن أخد اسامة الغياب مشي الباص انطلاقا الى سد بلوران المعجزة التامنة من

عجايب الدنيا السبعة

وعندما وصلنا اندهشنا من جمال الطبيعة و ما لقينا محلات قد ما

في زحمة 

بس ليش الكذب كان في باصين صيدلة من الشام ايه فيون كل شقفة

أمممممممممممممممممممممموا






ولأني كنا جوعانين و اضررنا الى الصعود شي عشرة كيلو متر سيرا على الاقدام بس

لما وصلنا نسينا التعب لأني عنجد كانت القعدة حلوة بس كل واحد تلاتمية ليرة ايه

والله يعني تخورفنا



و الله طلبنا هالفروج و المشاوي شغل ظاظات يعني



و لبين ما يجهز الكل قمنا بالرقص بالمطعم و شمسنا حالونا

و

بعد ما صار الاكل و شبعنا و مشي الحال 

قمنا نزلنا عالسد 


و اتفرجنا على البنات

اللي ايجوا قبا ما نروح بدقيقين

و رجعنا عالباص 

صارت الساعة ستة المسا



طيب وين نروح هلق



قال نروح عاسراقب



و ركبنا الحافلة و رجع اسامة اخدا الغياب 

و بعد ذالك في ناس صارت تنام 

بس عيب

اللي ينام ما يعرف شو عم يتشخوط وشه 

ايه و الله عم يرسموا خريطة صلاح الدين

عليه

و هنا الشباب فصلت يعني !!!!!!!!!!!!!!!!!!!!!!!!!!!



صرنا نغني و نرقص بس مو بوعينا سألوا أبو هيثم لأني هو اكتر واحد ضل بوعيه

و شاف مين فصل و مين وصل



و قبل ما نوصل بعشر دقايق على سراقب قالولنا نسمك باللبس لأني برد

 وهنالك ذهبنا

رأسا على الالعاب الكهربائية 

و كان سعر البطاقة الواحدة خمستاعش ليرة

و طلعنا

أول شي بالقلابة و كانت كتير عالية يعني شفناه شخصي !!!!!!!!

للموت قد ما ارتعبنا و بردنا



و بعدين رحنا للدويخة ايه سألوا أبو عمر ما بقى يعرف الدفشة منين عم تجيه



و الله بعدا رحنا لبيت الرعب و هنيك شفنا أبوي وبعد ما سلمنا عليه

و تابعنا المسير الوحوش صارت تطلع من رعبتا مننا



ثم ذهبنا الى السفينة و هناك كانت الزحمة مو طبيعية

 ايه والله شكشينا بين هالعالم

و البنات صارت تصيح لأني ما عم يجيون دور بالسفينة



و طلعنا بالسفينة و هناك كانت المفاجأة !!!!!!

و لا اقلكون ما بدي قول اش صار

حتى ما تقلب معدتكون



و بعد ما نزلنا و غسل مكناس وشه 

رحنا لعند السيارات العمى لبين ما اجانا دور

طلعت روحنا 

و بعدين اللي بدوا ياكل هيطلية أكل واللي ما بيحبا اكل بوظة و اللي ما

بيحب البوظة اكل هوا

و قبل ان نصعد الى الباص لعبنا جيم طابة قدام البولمان

(امية النص)

صارت الساعة طناعش 

و صعدنا عالباص مودعين 

و عدنا ادراجنا الى

بيوتنا 
 
و وصلنا عا دوار الموت بعد تلت رباع ساعة 

و نزلنا بعد ان شكرنا عمو

الشوفير لأنه تعب معنا 

و استغربنا كثيرا لأني رجعنا بالسلامة و حمدنا الله على ذلك



و قلنا له ميرسي على كل شي حلو عطانا ياه و هاد من عطفك




و اخيرا 


رجعنا على البيت ونامنا طب بتيابنا




و انا لم أفيق الا قبل ما انزل الموضوع بعشر دقايق




و اتمنى ان ينال اعجابكم




Mohammad Meknas